طرق علاج النحافة عند البنات

img

النحافة مرض مثل السمنة تماما، فالنحافة تؤدي ان نقص المناعة وتساعد على الاصابة بامراض خطيرة لذلك لا بد من الحفاظ على الوزن الطبيعي للانسان اذا كان نحيفا وذلك باكثر من وسيلة سواء بالطعام الصحي الغني بالنشويات والسكريات والبروتينات او بمساعدة اعشاب ونباتات طبية تساعد على فتح الشهية والاقبال على الطعام للحصول على وزن معقول لحماية الجسم من مخاطر النحافة.

اهم الوصفات المجربة لعلاج النحافة عند البنات

وصفة المكسرات بالعسل
المكونات:
• لوز
• جوز
• تمر
• عسل

الطريقة:
كل اللي عليك إنك تجيبي لوز + جوز + تمر + عسل وتخلطيهم وتعمليهم على شكل كور وتاكلي منهم 3حبات يومياً لمدة شهر.

وصفة الحلاوة الطحينية

المكونات:
• معلقتين حلاوة
• علبة صغيرة زبادي
الطريقة:
ضيفي معلقتين الحلاوة الطحنية إلى علبة الزبادي وكلي كل يوم الصبح أول ما تصحي من النوم، جربي الوصفة دي يوميا لمدة أسبوعين وأنت تشوفي الفرق بنفسك.

وصفة لعلاج نحافة الوجه
لو كنتِ من الناس اللي بتعاني من إن وجهك رفيع، فدي وصفة هايلة جدا هتساعدك على علاج المشكلة دي وكل اللي عليكِ إنك تاكلي كل يوم 5 حبات زبيب… وتشربي بالليل كوباية عصير كيوي…كرري الوصفة دي لمدة شهر وإن شاء الله تلاقي نتيجة هايلة.

وصفة الثدى

على فكرة الوصفة دي مهمة جدا ومفيدة خاصة لو كنت بتعاني من النحافة الشديدة في منطقة الأرداف أو الصدر فالوصفة دي هتساعدك على الحصول على النتيجة اللي أنت عايزاها.

المقادير:
• 5 ملاعق حلبة.
• 3 ملاعق سكر.
• معلقة عسل أسود.
• 4 كوبايات ميه.

الطريقة:
اغلي الميه كويس وبعد كده ضيفي إليها العسل الأسود وسيبيه على النار لمدة 10 دقائق مع التقليب المستمر، وبعد كده ضيفي الحلبة، وسيبيهم على النار لمدة 5 دقائق بعد كده شيليها من على النار وحطيها في كوباية، وضيفي إليها السكر واشربيها وهي سخنة… ممكن تعملي الوصفة دي كل يوم وتشربيها بالليل قبل ما تنامي لمدة 3 أسابيع..

وصفة السمسم
المقادير:
• مقدار فنجان قهوة مليان سمسم

الطريقة:
الطريقة دي مفيش أبسط منها وهي إنك تاكلي كل يوم مقدار فنجان قهوة مليان سمسم لمدة أسبوعين وأنت تشوفي النتيجة بنفسك وده لأن السمسم مليان زيوت مفيدة جدا للجسم وكمان بيساعد على نعومة البشرة..

وعلشان أكون عملت كل اللي عليّ في الموضوع ده جبت كمان النظام الغذائي ده اللي ممكن تمشي عليه لمدة شهر وإن شاء الله هيساعدك على زيادة وزنك وعلى فكرة النظام ده بيدي حوالي 3500 سعر حراري في اليوم..

طرق, علاج, النحافة, عند البنات, النحافة الشديدة, علاج النحافة المفرطة, زيادة الوزن, الوزن المثالي, نحيفة جدا, هزيلة

نشوف مع بعض النظام ده
الفطار :-
• 2بيضة مقلية في السمنة أو في الزيت أو طبق فول مدمس بالزيت أو بالسمنة أو طعمية أو أي نوع من أنواع الجبن.
• 1/2رغيف خبز بلدي.
• كوب كبير بليلة باللبن والزبيب والفانيليا والسكر أو كوب كبير شاي باللبن أو نسكافيه باللبن كامل الدسم محلى بثلاث معالق سكر.
• ساندوتش مربى أو عسل.
• أي نوع فاكهة موجودة عندك.

في الفترة بين الفطار والغداء ممكن تاخدي
كوب شاي باللبن مع قطعة كيك أو 4 بسكويتات أو عصير برتقال محلى بالسكر أو آيس كريم أو زجاجة مياه غازية.

الغداء:-
• ربع دجاجة محمرة أو ثمن كيلو لحمة أو نصف كيلو سمك مقلي .
• طبق خضار مطبوخ .
• رغيف خبز أو طبق رز أو مكرونة أو طبق محشي أو بطاطس محمرة.
• طبق صغير سلطة خضراء.
• طبق الحلو يكون طبق رز باللبن أو قطعتين أو تلاتة بسبوسة أو كريم كرامل.

في الفترة ما بين الغداء والعشاء ممكن تاكلي
• ساندوتش جبنة.
• شاي باللبن مع قطعة جاتوه أو كيك.

العشاء :-
• قطعة كبيرة لحمة محمرة أو ربع دجاجة محمرة أو جبنة مع خبز .
• ساندويتش مربى بالقشطة أو عسل أبيض أو عسل أسود مع طحينة.
• كوب لبن.
• فاكهة أو أي عصير فريش.

Facebooktwittergoogle_plusredditpinterestlinkedinmail

الكاتب mohammad

mohammad
mohammad

مواضيع متعلقة

التعليقات مغلقة